Kum 2040 a ni a, he kum hian Generation Alpha-te ze danglam a rawn her chhuahpui a, zofate chanchina kawl eng hmasa thlentu an ni!
An dikna chanvo-ah an chiang a, an nu leh pate hunlai anga, dik lo taka titute tih dik loh haider tur leh ngawihsan hle hle turin an dawhtheihnain a tlin ve lo a ni lova, thlahtute thisen aṭanga an chhawm, ṭhian chhan thih ngam, sa leh ral hmaa zam ngai lo, khawtlang ralmuanna atana mahni lu zuar ṭhin an nihna chu kaihthawhin a awm zawk a ni.
Dik lo taka ti ṭhin mihausa leh dinhmun sanga dingte, mahni ta lo laa mahni sahmim puarna atana hmang ṭhin ram hruaitu pamhamte tan thlamuang taka awm a har ta!
Chung thilte chu Gen A ten engtin nge an rawn hmachhawn dawn? Siamṭhat hna nge an rawn thawh ang a, thenfai hna?
